•·.·´¯`·.·• قصة عن الكرم والنخوة•·.·´¯`·.·•

السلام عليكم و رحمة الله و بركاته


قصة أتمنى تعجبكم







قصة الكويتي والسعودي...لاتفوتكم
________________________________________
هذي قصه لشابين أحدهما سعودي والأخر كويتي

هذولا اثنين كانوا يدرسون سوا في بريطانيا

خلصوا دراستهم و رجعوا للوطن

قال الكويتي : شرايك تخاويني للكويت وتجلس عندي أسبوع بعدين تطلع للسعودية

أعرفك على أهلي وأخواني وربعي هناك واوريك الكويت وأمشيك

قال السعودي مافيه مشكله .

جو يبغون يستعدون للرحلة جاء الكويتي تلفون من أخوه

يبلغه فيه إن جدتهم توفت

طبعا الكويتي من باب الصداقة كتم الموضوع عن السعودي

وصلوا الشباب للكويت لبيت الرجال

شاف السعودي العزاء استغرب

سال صاحبه

قال هذي جارتنا توفت وما عندها قرايب وفتحنا عزاها عندنا بالبيت

قام بالواجب السعودي وصار يتلقى التعازي وكأنه من أهل البيت من عشرته مع صديق عمره ودراسته الكويتي

باليوم الثاني شاف السعودي بنت جيران الكويتي وأعجب فيها جدا

راح للكويتي قال أنا شفت البنت وأعجبتني و أبغى أتزوجها

البنت هذي يحبها الكويتي وكان مخطط انه أول مايخلص دراسته يتقدم لها

قام الكويتي واخذ السعودي وراح وخطبها له وتزوجوا

ومشى السعودي للسعودية

بعد كم سنة تأزمت أوضاع الكويتي المادية وصار مديون جدا

قال مالي إلا اخوي أروح له ويفزع لي

طبعا من خلال التواصل اللي بينهم بالفترة اللي راحت عنده خبر إن الله فتح على السعودي من أوسع أبوابه

راح للسعودي دق باب القصر

طلع له الحارس قال قل لفلان فلنتان ينتظرك عند الباب

حول المغرب الكلام ذا

رزعه السعودي على الباب حوالي نص ساعة

بعدين نزل له الحارس قال عمي مو فيه والكويتي يشوف سيارته جوا ومتأكد انه موجود

مشى الكويتي مكسور ومصدوم من رفيق عمره

وهو ماشي قابل شخصين

مسكوه هالاثنين قال حنا متراهنين نعطي أول واحد نقابله مليون ريال

وعطوه ومشى

رجع الرجال للكويت وفتح الله عليه ويسر أموره بعد فترة ضبطت أموره

مرة من المرات وهو جاي من دوامه للبيت لقي حرمة عجوز بالشارع معها بنتها

قالت يا ولدي أنت ساكن هنا لحالك

قال لا إنا وأهلي

قالت طيب أنا بأروح أحج وأبي اترك بنتي هذي عندكم

وإن كان ما رجعت يا ولدي تزوجها

قال الكويتي ابشري يا خاله

دخلت البنت للبيت وراحت واختلطت مع أهل الكويتي

بعد مرور شهر

ما رجعت الأم وقرر الكويتي يحدد موعد العرس

فعلا حدده

ويوم العرس يتمشى الكويتي بين المعازيم والحضور

فجأة لقي السعودي موجود

عصب وتكلم بصوت عالي شد كل الحضور وخلاهم ينتبهون للموضوع

قال أنت ما تستحي ما بوجهك دم

والتفت للناس وقال يا ناس هذا سالفته كيت وكيت وكيت من يوم دراستهم إلى آخر خبره فيه

قام السعودي وقال يا ناس

إنا عاشرت هالرجال وعرفته أكثر من أي احد وعرفت عزة نفسه وكرامته

يوم جاني ذاك اليوم وما طلعت له ما حبيت إني أشوفه وهو بذيك الحال

والاثنين اللي عطوه الفلوس ذولا أخواني أرسلتهم عليه يوم أخرته عند باب بيتي

والعجوز اللي جت أمي

والبنت اللي هي عروس اليوم أختي

فهل يحق لي أن احضر زواج أختي ولا لا....


القصة حلوة لكن غريبة و لا إيش رأيكم؟