ســـــموهـ فعال
عدد الرسائل : 253 العمر : 38 الموقع : صمت الزوايا المزاج : دايم هاااادي تاريخ التسجيل : 10/03/2008
| موضوع: خذ دفا إحساااسي و " إدفا " ..كان بردك هد حيلك !! الأحد مارس 16, 2008 9:41 am | |
| شي يخصك باقي عندي ..
" قلب " من غيرك وحيد !
ما يبي يبقى معاي !
يا أجيلك / أو يجيلك !
يسألوني الناس عنِّك !
وليه ما أكتب [ قصيد ] ؟!
قول ..
لا تسكت ..
تكلَّم ..
وش أجاوبهم دخيلك ؟!
إختلفنا
وماعرفنا شنهو الراي السديد ..
يا تضحِّي في عنادك ..!
أو أضحِّي في سبيلك !
ليه كل عيد إنتْـفارق ؟!
صرت أكرَه كل عيد !
وإنتْـ فارق .. في [ غلاتك ] ..
وقلبي ما عنده مثيلك !
المشاعر من غيابك يا دفا إحساسي , جليد !
طحت من عيني لـ قلبي وما قدرت إنِّي أشيلك !
يشهد الله .. من رحلت وفي حياتي ، لا جديد ..
وكل ما ألمَح سرابك ..
أرتِبِك ،
الله ***لك !
حالتي صعبه / بدونك ..
***ف حالك يا بعيد ؟
أشتكي منِّك إليك ..
ومن جروحي , أشتكيلك !
والله ما قصرَّت فيني بس ..
ودِّي لو تزيد !
يعني " إذبحني " وكمِّل يا بعد قلبي / جميلك !
أدري غلطاتي كثيره .. وفوق كل هذا عنيد
وش تسوِّي هذا حظِّك رغم زلاتي [ خليلك ] ..!
أقتلك ..لا من خطيت ويا عسى عمرك مديد !
و أعذرك ..
لو كنت قاتل لأنه يستاهل قتيلك .!
ويلي منِّك لو نسيتك والزعل طبعاً " شديد " ..
ولو أحس لحظه بـ أنِّك منشغل عنِّي ؟!
يا ويلك ..!
كل عاذل جاك بَعْدِي .. وقالـ لك إنِّي : سعيد
- ما صِدَق !
وين السعادهـ !
والحزن شيَّد رحيلك !
وكل عاذل قال عنِّي شي ..
- إحساسه بليد !
ما قدر ياخذ كثيرك ..
صار يطمح في قليلك !
وكل عاذل إن عطيته وجهـ ..
- ورَّااااك المزيد !
لو يقول إنَّهـ : يبيلك خير !!
والله ما يبيلك !
جيتهم طيِّب وأدري
في زماني ما يفيد !!
وش حصيل الطيب فيهم ؟
ومن فراقي , وش حصيلك !
بترك الدنيا عشانك !
دام هذا ما تريد ..
ويا عسى كلمة " عشانك " ..
تشفي يا روحي غليلك !!
الدليل إنِّي ـأحـبكـ :
صرت أحسِّك بـ [ الوريد ] !
وأدري في قلبكـ يحبني دون ما أسمع دليلك !
في عيونك صرت ( شاعر ) واصل القمَّه / فريد !!
وصرت تسوى في عيوني كل بَني جنسك , وجيلك ..
مثل قلبك ما ألاقي ..!
ومثلي ما تلقى أكيد !
يعني ما عندك بديل ومستحيل ألقى بديلك ..!
يا غزالٍ شُوف قلبي
ما يبي غيرك يصيد
ولا بغيتك ..
أدري وينك
أسمعك , وأتبَع [ سليلك ] ..!
إجلس بـ عرش الفؤاد ولك أحاسيسي عبيد
وإعتبر حُبي نهارك , وقمرةٍ ..
تضوي في ليلك !
ياللِّي شيَّعت المفارَق إشرَب وصالي و أزيد ..
خذ دفا إحسااآأاسي و " إدفا " ..
كان بردك
هد حيلك ..!
يا أجيلك
يا تجيني !
هذا هو الحل الوحيد ..
وإنتَ قرِّر يا حبيبي ..
يا تجيني
يا أجيلك ! | |
|
MAZOOONEI مستجد
عدد الرسائل : 55 العمر : 37 الموقع : في حضن مكه المزاج : رايق وكره المتضايق تاريخ التسجيل : 12/03/2008
| موضوع: رد: خذ دفا إحساااسي و " إدفا " ..كان بردك هد حيلك !! الإثنين مارس 17, 2008 8:52 am | |
| أبداع سبب لقلبي اتساع وايد روعه في عيونك صرت ( شاعر ) واصل القمَّه / فريد !! وصرت تسوى في عيوني كل بَني جنسك , وجيلك .. مشكور أخوي سمـــوهـ ننتظر جديدك | |
|
ســـــموهـ فعال
عدد الرسائل : 253 العمر : 38 الموقع : صمت الزوايا المزاج : دايم هاااادي تاريخ التسجيل : 10/03/2008
| موضوع: رد: خذ دفا إحساااسي و " إدفا " ..كان بردك هد حيلك !! الأربعاء مارس 19, 2008 10:52 pm | |
| العفو اخوي MAZOOONEI على المرور اخوكـ :- ســـموهـ | |
|
رماد الحب مستجد
عدد الرسائل : 48 المزاج : 0533110894 تاريخ التسجيل : 21/03/2008
| موضوع: رد: خذ دفا إحساااسي و " إدفا " ..كان بردك هد حيلك !! السبت مارس 22, 2008 8:42 am | |
| يا تضحِّي في عنادك ..!
أو أضحِّي في سبيلك !
ليه كل عيد إنتْـفارق ؟!
صرت أكرَه كل عيد !
وإنتْـ فارق .. في [ غلاتك ] ..
وقلبي ما عنده مثيلك !
يسلمو خيو وتقبل مروري | |
|
ســـــموهـ فعال
عدد الرسائل : 253 العمر : 38 الموقع : صمت الزوايا المزاج : دايم هاااادي تاريخ التسجيل : 10/03/2008
| موضوع: رد: خذ دفا إحساااسي و " إدفا " ..كان بردك هد حيلك !! السبت مارس 22, 2008 5:07 pm | |
| الله يسلمك ويسعدك ياربـ شاكر لك على مرورك الاكثر من رائع تحياتي لكـ اخوكـ :- ســـموهـ | |
|