ياليتني ميت ولا عيني تشوف
خلي يزفونه على شخص ثاني
طعنت غدر جتني كما طعنت سيوف
يوم الحبيب إختار غيري ونساني
من صدمتي كني مقيد ومكتوف
وأنا أشوف الغير يأخذ مكاني
وحارت على شفاتي سؤالات وحروف
ليه الخيانه ليه قتل الأماني
كنت أحسبه خلي وفي حالي يروف
وأثره حكم بإعدام حبي وحناني
كنت أحسبه ماله بهالعالم وصوف
كنت أحسبه وافي ولاهو بأناني
وأثري إنخدعت وراحت سنيني حسوف
وضاعت حياتي وأنتهت في ثواني
وصار الحزن والهم والجرح والخوف
صاروا رفاقي يوم خلي رماني
وماتنفع الحسرهه ولاصفق الكفوف
ياموت ريحني تراني أعاني
وياليتني محروم من نعمت الشوف
ولا أشوف الغير يأخذ مكاني . .
موضوع: ياليتني ميت ولا عيني تشوف 
الخميس مارس 13, 2008 6:19 pm
